ناز قیزیم

بو گونلر بقول اوزون گيرده توپ چكيسن...آلماني چكيب قيرپين دا چكيسن...گيلاسين گيرده توپلارين بيربيرينه ياخين چكيسن...عشقين چكنده بيردانادا ياريمچيليق پروانه چكيسن بوردا قيرميزي مدادينان چكيلن آلما و گيلاسين گيرده توپلاري سنيندي آلما قيرپينن ...

دونن گئجه كيتابيوينان كورپه به به ني(قولچاغين) ايستدين كي تختينده اونا قصه دييه سن: بير گون واردي بيرگون يخدي..اوش دانا پيشان واردي...بيري آغ بيري قره...گئتديلر قورباغانين داليسيجان سورا دينديريسن قولچاغيوي:قيقيلي قيقيلي..سورا قيچيوا ساليسان ياتا ديسن ياتميري آپاريم هالدا دولانديريم...نارنجي شاليوي اورتوسن و قولچاغيوا مهتاب لالا لاري اوخوسان گليب منه ديسن مامان اوشوردي شاليمين آلتيندا باسديرديم بابا فيسه گئديسن لپ تابينان؟؟ باشيوا دولانيم   بيراز پرتقال سو ايشسم اليم يتيشر آسانسورا مامان پتوني سيلكه له دين؟ مامان جواد عمو گيلين آسانسوري يخدي؟؟ الله محمد علي فاطمه حسن و حسين ديسن ...صلوات باشاريسان  ...

بو آيدا قوتولدي ..ايكي ياش ايكي آي...بو آي بولدوم كي نه قدر محبت ايستيسن نه قدر توجه ايستيسن....ونه گوزلده محبتي آداما قيتريسن...هردم باشيم شلوغ اولاندا سنده بتر بند اولوسان بيلمه...اعتراف اليييم كي بوزمانلاردا حوصلم قوتولور ....آمما گورورم كي سنن واجب ايشيم اولابولمز مامان سنه ده مميز وريرم (مويز) مامان گل منيم يانيما نقاشي چح مامان منه دريا چح    قاقايئسن ديشلرين قرالار ماشين دير اوف اولاسان اليوي ور منه ييخيلما عمو سنه اورگ آليب بابا هميشه اورگ چالاندا ديير نه قشح عمون وار اورگ چالاندا ديسن منيم عموم قشحدي رنگلري كاميل باشاريسان...انگليسي كلمه لر ده بيراز تكرارينان ياديندا قالير ...بيبي انشتين سي دي لرينه...

تاكسا مينميبشوخ ...ياغيش باشلير سنده گوزلريوي يوموب ياتيسان ...ياخچي راننده خيابانيميزاجان گئدير...تاكسيدان دوشورم گرح بيراز پياده گئداخ بير آغير كيف چينيمده سني ويرميشام چرشابيمين آلتينا كي ايسلانمييه سن...اوش سس ائشيديرم باشماخلاريمين سسي ياغيش سسي و سنين ياواش خورولتون...ياغيش سسينن سنين ياتماغين منه چوخ ياپيشير محله نين پيشانلاريننان دا خبر يوخيدي   ...

بو گونلر ائله منطقلي جمله لر ديسن ..ائله سوالي جمله لر قوروسان...امري جمله لرينده كي باشيميز اوسته بيراز سوزلريننن: مامان سنين ماشينين يخديييييي؟؟؟ مانتولارين قورودي مامان؟؟؟ گئديم بير گازا باخيم گليم بير لحظه دوزززز نارنگيلري يخچالا قويوم سريننه سين پنجره ني آشما پاييزدي سويوخ دير دوربينه ديمه خراب اولار گل بوردا اوتي مامان سني چوخ سويورم مامان بابا آلومينيوم چونون قولاغيننان ياپيشار آتار اشييه منيم گوشوارام يخدي مامان ؟؟ بو گئجه خالا بيزده دي ...اوننان چوخ گوزل دانيشاسان.. دانيشماخلاريزين بيرازين ضبط الميشم: خالا آلمينيوم چي ياتيبدي بيزه گلمز ...بابا ياپيشار قولاغيننان آتار اشيييه...ايندي بابالار...

بو گئجه لالايي نن ياتدون...شامنان سورا بالا ميزيوي دوشه ديم  آيسل گل قوناخ باجي اوينياخ...بيراز ميوه..بير پياله رنده اولموش بامادورونان ير كوكي(هويچ)...بيردانادا قصه كتابين...دوشانين قصه سي كي بالالارينا كيسه ده آلما آپارانمادي آمما گئديب گوردي بير دولي ميز ائو لرينده دوشه نيب..قصه قوتولاننان سورا مسواك ويردوخ سورا منده سنين تختيوه گئديب لالايي كيتابين اوخودوم ...ياتمادين سرسره وي ايسته دين منده سننن باهم سرسره اوشدوم...سنين اوشاخليق شادليغيندا سهيم اولدوم ...منيم بير نئچه بالا ادالاريما نه اورحدن گولوب سويونوردون...منده سنن اوشاق اولماغي سويورم لاپ آخيرده سني بالا وختيوين پتوسونا بوكوب باشيوي اورتوب بقول اوزون كوچولو الديم...

سلام 25 آيليق شولوخ قيزيما..دوداندا بو گونلر چوخ شيطان اولموسان...بير ايشدن خوشون گلنده هيجانينان قاچيب سسلي گولماغيوينان نه قدر سويونماغيوي  گورسه ديسن...آمما هردم ايستيسن سوزووي يريدسن ايه دوز ايش اولماسا بيراز منطقي دانيشماغينان حل اولور قشح دانيشيسان...سوزلرين معناسين بولوسن...احساسيوي (ايسته ديغين...ايستمه ديغين..قوخدوغون...سويدوغون....) ديله گتيريسن منه ديسن اوتي بوردا سوز ديييرم..بير بالا خرگوش قصه سي تعريفليسن حامامنان چيخيرام  ديسن ساهاتلارين اولسون حامامدا نينيوي دانيشديريب يوغوندو.روسان:سودان قوخما..گئت سووا..سو به به دي...بوح واريندي كي سويوخ ديمه سين؟ نم نيه گئجه لر ياتاندا آلومينيوم چي ني سوروشوسان البي...

بو گونلر ايستيسن سوز سنين اولسون...ايشلريوي اوزون گوره سن..بير نفر ايستيسن سحردن آخشاما سننن اوتوروب دانيشسين اويناسين گولدورسون اوخوسون...يا دكتر اولوب اينه ويريسان يا آرايشگر اولوب باش داريسان...يا خريده گئديسن...يا بالا قولچاغيوا من سنه دديخلاريمي ديسن.. چوخ شيرين دانيشيسان ...هردم لاپ بويوح آداملار كيمين دانيشيسان... من نوشابه ايشمرم چايي قندينن ايشمرم هورمينن(خرما) ايچرم اوزوم الينده ديسن قره سيني سئچيرم سنه آيري قاشيقينان سوپ وريرم ديسن منيم قاشيقيم اليمده(من اوزوم ايچرم سن سوپ ورمه منه) آبميوه گير لرين سسين تانيسان ايه آيري اتاقدا اولسان ديسن شيرموز چكيرم يا هويچ يا ليمو نقاشي چكيسن مامان بيرزاد چكيرم سنه....خانه ...

نئچه گون قاباخ خياباندا بير گويوني آغاجا باغلاميشديلار ...نه هيجانينان سنه گورسديب ديرم آيسل گويونا باخ!!سنده نه شوقونان اونا باخيب گولوسن.. بيراز سورا ناراحات اولورام اورييم يانير او گويونا كي نئچه گون سورا يخدي... بويون بابام گيلين همسايالاريندا بير گويوني آغاجا باغليييبلر ...سن پنجره داليننان اونا باخيب اوشاخليق دنياندا ذوق اليسن...منه ديسن مامان گئداخ اورا...ساباخ من سنه نجور توضيح وريم كي او گويون دا يخدي قيزيم؟؟ از ديد من ارزش زندگي يك بره كمتر از زندگي يك انسان نيست. من تمايلي ندارم جان يك بره بخاطر تن آدميزاد گرفته شود. (گاندي) ...