آنا دیلی گونی
بویون آنا دیلی گونیدی...بولورم قیزیم فارسینی یا تز یا بواخ اورگشملیدی...نغیل کیتابلارین یا شعرلرین فارسی اوخیینده هر دم بیر تورکی کلمه سی ایشلدیر و منی آییلدیر ....آیسل اول آنا دیلی اورگشملیدی آمما شفاهی ...هش اوشاق کیتابی آنا دیلینده گورمورم کی سنه اوخییم قیزیم ....اصلن دیلیمیزی دوز یازماغی (تورکی الفباسینن) کامل باشارمیرام ...آمما سنین آنا دیلینده دیل آشماغیوا فخر الیرم
شهریارین بیر شعری یادیما دوشدی
تورکون دیلی
تورکون دیلی تک سوگلی ایستکلی دیل اولماز
ئوزگه دیله قاتسان بو اصیل دیل اصیل اولماز
ئوز شعرینی فارسا عربه قاتماسا شاعر
شعری اوخویانلار اشیدنلر کسیل اولماز
فارس شاعری چوخ سوزلرینی بیزدن آپارمیش
صابر کیمین بیر سفره لی شاعر پخیل اولماز
تورکون مثلی فولکولوری دونیادا تک دیر
خان یورقانی کند ایچره مثل دیر میتیل اولماز
آذر قوشونی قیصر رومی اسیر ائتمیش
کسری سوزودور بیر بئله تاریخ ناغیل اولماز
پیشمیش کیمی شعرین ده گرح داد دوزی اولسون
کند اهلی بیلیر لر کی دوشابسیز خشیل اولماز
سوزلر ده جواهر کیمی دیر اصلی بدلدن
تشخیص وئرن اولسا بوقدر زیر زیبیل اولماز
.......
محمد راحیم شهریارا شعر مکتوبوندا بئله یازیر
دئمه کی شاعرین مطلبی یوخدیر
بو سوزو آچماغا سببی یوخدیر
تبریزین نه اوچون آگاه ایله یین
ئوز آنا دیلینده مکتبی یوخدیر؟؟؟؟؟
آیسل مرغون عکسین گورسدیب قووووقووووو دیییر
بو گئجه ایستیردین قولچاغین سننن یاتسین...پیش پیش الیردون ...اوجادان دیییردون آت(یات)...سورا سنده یالاننان گوزلریوی یوموردون کی یاتمیسان ...منده دیییردون سیسسسس(نینی لالا الیییب)آخی بو ادالاریوینان سنی هاراجان گویه آتیم؟؟؟نققده اوجا سسسینن باباوی سسلیییم کی گل گور قیزین نینیر؟؟آیسل نققده سنی سویوم؟؟؟؟