ناز قیزیم

سلام 13 آیلیق سویملی ناز قیزیما....گونلر سوشدوخجان سنه لاپ باغلانیرام ....اورییمین چیرپینماغی ..نفس آلماخلاریم ...یاشاییشیم ...سنین عشقیوه دی بو آی لاپ یاددان چیخمیین آیلارداندی....آخی سن ایلک آددیملاریوی آتدین....قدیم کیلر دیییبلر اوشاق ییخیلا ییخیلا بویر یا اوزی ییخیلان آغلاماز دوداندا اوجوردی هله بو آیدا 4 دیشلیسن....چوخ وسایلی تانیسان سوروشاندا گورسدیسن...عروسکیوین جورابلارین بورکون چیخاردیسان....جورابلاریوی منه گتیریسن کی گیدیر...قاشیغی هرنه جور اولسا دولدوروب اوستی باشیوا توکنن سورا آغزیوا آپاریسان اورحدن ذوق الیسن ....باشین بیر گوشه ده قاریشاندا یا قاپی دالیندا اولاندا یالاننان اویان بویانا باخیب  هی سسلیرم آیسل ها...

سن بویون چوخ ایستیردین یرییسن...مبل دان صندلدن دوواردان منن یاپیشیب سورا باش آلیسان گتماغا چوخدا سویونوسن....اللریوی یره تکیه وریب ایاغا دوروب بیراز گدننن سورا تیپپپپپپ ییخیلیسان یره.... ایاق توتوسان قیزیم....اوز ایاقلاریوین اوستونده دوروسان ....بالا بالا ایستیسن بیزلر کیمین یرییسن.....اوشاقلار کیمین قاچاسان....چوخ دوزلی یریسن مامانی آیسلین ایاغا دورماغی 4 مرحله ده آتا بابا سوزلرینن دی کی دیییبلر یریممیش یوگورور....قیزیم بوجور قاشماخ ایستیر     ...

هر سری تازا ایشلریوی گورنده سنه آفرین دیییب ال چالارام ....بو گونلر ایاغا دورماغیوا یا حلقه لری میله سینه آتماغیوا یا چنگالینان میوه یماغیواو... آفرین دیییرم و ال چالیرام ....سنده اوزووه ال چالیسان بوجور دیزه کوک اوتوروسان قیزیم ایاغا دورماغا چالیشیر آیسل سید حمزه ده   ...

بو گجه موغام کنسرتینه گتمیشدوخ....سنده یوخیلیدین آمما موسیقی نی چوخ سویدوغووا گوره قولاق آسیردون....هردم چپان چالیپ نانای الیردون اوه گلنن سورا ددیم آیسل دو ایاغا ....اللریوی یره قویوب ایاغا دوردون...بیر آددیم آتیب ییخیلیردون ...بولوسن سنین بو تلاشیوی گورماخ منیم اورییمین سوینجین گوزلریمده پارلادیر ....بولمورم نه دییم...فقط بابانی سسلیردیم :گل باخ گور نجه ایاغا دورور.... یورغونودون تز یاتدین ....شیرین یوخولار دوزلی قیزیما لای لای دادار دورانا باغریمی اویدورانا هامیلاری آلدادیب اوزونه وور دورانا ...

  بیر آی اولار سنین یوگوره یین وار آمما لاپ آز سورموشدون اونودا من یاپیشاردیم ....دونن گجه اوزون یوگوره حدن یاپیشیب سوردون اوزوده ییین... بویون بیر دفعه ایاغا دوردون تزده ییخیلدین....آیسل یریماغیوی گوزلورم مامان کابینتین کشولارین آچانمیینده یا بیر قاپی آچانمیینده دیییسن آچ ...

بویون اوشاقلار گونیدی....نه گوزل دونیالاری وار....او بالا پانبیخ کیمین اللر...دوزلی بالا پاپانلار....ناز باخیشلار...اورحدن گولوب آغلامالار...کوسماغین معنی سین بولمینلر....بیر امن قوجاخدا آرام اولانلار...محبتی درینلردن حیس الیینلر... کاش دونیا همیشه اوزلرینه گوله....آرزی الیرم دونیادا هش اوشاق آتا آنا سیز اولماسین...آج اولماسین...پالتار مشکلی اولماسین...اویناتمالیسیز قالماسین.....هشزادا حسرت چحمسین....آخی اوشاقلار گول کیمین لطیف و حساس دیلار.....هش اوشاق سولماسین نازلی قیزیم چوخ شیرین دونیان واردی....هردم تازا ایشلریوینن گوزلریمی سوینجدن دولدوروسان.....بو گجه ماماما سسلدین منی اوپدون الیوی منن چکیب دادار دوردون ....بیر دیقه چحمدی بو ایش...

بوشعرینن سنی گویه آتارام ....سن ده اورحدن گولسن آتام توتام من سنی شکره قاتام من سنی آخشام بابان گلنده اؤنونه آتام من سنی  ائو سوپورر توز ائدر حاماما گیدر ناز ائدر ال ایاقی کیر ایچینده ییکامام دیه ناز ائدر بو گونلر لاپ شولوخلاشمیسان ....باشیوا گیره ویراندا بوجور چیخاردیسان ...سورا اوزون باشیوا ویرماخ ایستیسن گازا طرف گدیسن ایستیسن شیر لرین آچاسان....غذا ییینده قاشیقیوی منیم آغزیما طرف گتیریسن...قولچاقیوادا قاقا وریسن   ...