ناز قیزیم

بو گونلر جمله دوزلديسن ...ائله جمله لر كي البير بير بويوح آدام دانيشير...جمله لريوي اشيتماخ مني سويوندورور ماماني....اوزون بيلمنن ايستيسن هانسي شعرلري سنه اوخيييم: آچار ..اوخي....باشليرام اوخوماغا :آي آچار گوزل آچار قاپيميزي باغلا برك...اوني هش كيمه آشما بيز گئديب گلنه تك...سن:قولچاغيم....قولچاغيملا دوشانيم قوطونون ايچينده دي...قويموشام باخ بورادا اتاقين ...سن: كونجونده دي....قاپي آچيلسا بيردن ....سن: حيه طه....قاچار اونلار ...گورر ايتي...سن: پيشيييي...اوشاقدي...سن:قوخ...اونلار توپولي اوخي...باشليرام اوخوماغا:توپولويم توپولو...صورتم مثل ...سن:هولي...سن: مامان....مامان خوبي دارم ميشينه توي خونه...ميبافه...سن: دونه ....ميپوشم خشكل ميشم.....

بو گونلر قيسسا جمله دماخلارينان گوردوغون ايشلري يا بيرينن ايستديغين ايشلري(امري) يا اتفاق دوشن ايشلرين وصفين ديله گتيريسن گلديم....يديم...يورولدوم...اوتدوم...يودوم... گل...گئت...باخما...ديمه...وئر...ايلش...قوجي...باخ... پالتارين ايسلاناندا ديسن ياشدي چيخات...مامان قوخدي....توشدي(دوشدي) حس مالكيتيوي منيم يا منيمدي كلمه سينن ديله گتيريسن پاركداكي اوشاقلارينان گولوب هيجانينان اوينوسان     ...

سلام منيم شيطانچا قيزيما كي بير آي سورا ايكي ياشيندا اولاجاق انشالله....ايستيرم باشلييم يازام آمما اينان كي ايشلريوين هامميسي قلمه گلمير نه شيرين دانيشيسان ...نه آدامين باشين قاتيسان آخشاماجان....اول سنين ماجرالاريوي پيشانلارينان يازيم تراسدا دورموشوق منه ديسن قره ...بليييي قره پيشان اوزاخدان گلير...سن قره رنگي و آبي رنگي كاميل باشاريسان محله ده ساري پيشانين بير بالاسي وار لاپ ماماسينن جوتدي...سنه ديرم آيسل ساري پيشانين بالاسينا باخ....مامانيسينا اشاره الييب ديسن ماماسي سحر تزدن يوخودان دورموسان (ساعت يتدي ياريم)...بئله حس اليرم آژسان حاضيرلشيب پاركا گئديروخ سنه بير ايشلي كوكه آلميشام ...پاركدا بير پيشانين 6 دانا پيشيح بالاسي وار...

بو شعري چوخ سويوسن...تپولويم توپولو....صورتم مثل...بو قسمتده هولي ديسن و اوزووي بوجور اليسن ...

بو گونلربير ايشي ايستيرم المييه سن ديسن بي ذييه(بير ذره)...اليويننده اشاره اليسن....ائله شيرين بير ذره ديسن كي قبول اليرم ايسته ديغين ايشي گورسن فعليله ريوي چوخاتميسان:اوشي(اوشودوم)...گلدي(آيسل گلدي)...اولدي...اولمادي قطار دوزلديسن ...آيسل قطار هارا گئدير؟؟مشهد باشماخلاريوي گرح اوزون گييه سن....يالاننان روسري اورتوب كيف گوتوروسن گئده سن مدرسيه توپ استخرين چوخ سويوسن دونن تيراسدا سنه سوپ وريرم پيشان و اوش دانا بالاسي دامدا ميو ميو اليرديلر سوپي ايشمدين مننن ايسته دين اولارادا پوفي ورم...چوخ مهربانسان قيزيم امامزاديه گئدنده گرح بيرذره آب بازي اوينيه سن...بوسري قولچاغيوي يودون فقط چوخ سوزووي يريديسن بير ذره دماغيوينان ...

بو گونلر گونده تازا كلمه لر دماغينان بيزي سورپرايز اليسن....ديل آشماغيوينان اورييمي آپاريسان ....سوينجدن گوزلريمي دولدوروسان ....بير بئله شيرين لحظه لري منه ياراتماغيوا نينيه بوللم سنه قيزيم؟؟؟؟ دونن گئجه بيردن منه ددين جوژلسن(گوزلسن)...شك الديم نمنه دماغيوا سوروشدوم آيسل نه ددين منه؟؟جوژل(گوزل)...سن گوزلسن بالا....بيراز سورا دوباره سوروشدوم آيسل منه نمنه ددين ؟؟؟قشح بو كلمه لري ديييننن سورا گولماغا باشلادين آخي بولوردون كي مني نقدرررر سويوندوردون ....سنده چوخ گوزلسن...منيم قشح ايستملي قيزيم ميككه: ميتكه ميلچح آشانشور:آسانسور دندل:صندل بيلله:پيلله بش داش مامان دون قولچاغيوي تابدا اوتوردوب تاب بازي تاب بازي اوخ...

هردم فيكيرلشرم سني نققده سويورم؟؟؟گويون گوز ويران ايشيلتي اولدوزلارين ساييجان يا آدامي خوش ايي مست اليين گوللرجان؟؟يا اوچان خوش سسلي قوشلار جان؟؟يا بوتون دريالارين پيلحلي باليقلاري جان؟؟..... يوخ يوخ سويماخ سايا حسابا گلن ديير...سويماخ بير احساسدي كي قلبي چيرپينديرار....گوزلري پارلادار...اوزي گولدورر... بير آنا كيمين سني سويورم آيسل بوني  فقط اولار بولر كي نه قدرررر؟؟ من:آيسل مني سويوسن؟؟...آيسل:بلي من:نققده؟؟...آيسل:دوخ(چوخ) منده سني چوخ سويورم   ...