ناز قیزیم

چوخدانیدی زویولداغی ایشلتممیشدیم آخی قورخاردین بیر سریده ییخیلمیشدون....بویون اتاقیوی دییشنن سورا زویولداق الدیدی سنده اوزون پلله له رین چیخیب زویولداق اوشدون.....اوتوروردون باشدا منده دیییریم گل گل سنده غش غش گولوردون ....دییه بوللم 20 یولدان چوخ گئتدون....گئجه ده اون بیر یاریم آمما چون ایکیمیزینده ذوقوموز واریدی نینییاخ بیر گئجه بواخ لالا ائله قیزیم بالا بالا بیر ایشی تز تقلید الیسن...بویون درجا قاچیردیم سنده گوله گوله تکرار الدون....گئجه ده چیلتیح چالدیم فورن ایکی الیوینن تکرار الدون.... بو سوینجین اویناماغا و بو شوقون اورگشماغا اورییمی جوشا گتیریر...آرزیلیرام عمرون بویی بوجور شاد یاشیییب گولوب گولدورسن نازلی قیز...

گونلر تز تز گلیب گئتدیلر بو آیدا باشا چاتدی و منیم فیندیقچام 16 آیلیق اولدی....بو آی نئچه کلمه دماغا باشلامیسان:قاقا...قوقو...هالا=خالا...آپ =تاپ...آمما=آلما آیفون ویریلاندا قاپییه قاچیب قوناق قاباغینا چیخیسان....قوناخ گئدنده یا بابا گئدنده یولا سالیب قاپینی اورتوسن...فقط منیم گئتماغیما حساس سان اونا گوره منده اکیلیرم سنی بیراز اوجا یره چیخاردیب یالاننان تاپیشیریرام گلمه ها دوشسن ها ....سنده گولوب یره دوشماخ ایستیسن غذانی قاشیقینان میل الییه بولوسن البته تمایلون سول الیوه دی آمما هردم قاشیقی ساغ الیوه ده وریرم آلمانی آدینن ایستیسن حرفه ای عکاس اولموسان دوربینی منن ایستیسن منده سننن ایستیرم کی دیش ویرد...

اوزمانکی منه باخاندا گوزلریوین ایچی گولور و بالا اوریین عشقی حیس الیر....اونداکی بالا ایکی الین اوزومی ناز الیر....اوزمانکی اوزاخدان گوله گوله محکم منه قاچیب اوزووی قوجاغیما آتیسان...اونداکی سنی گویه آتاندا اوجا قهقهن همسایامیزا جان گئدیر....او زمانکی قاشیقی زورونان دولدوروب منیم آغزیما طرف گتیریسن....سحر لر نه شیرین منه ادییییی الیسن....آقابابا گیله گئدنده قولچاغیوی محکم یاپیشیب اولارا آپاریسان....اونداکی منه بوس یوللوسان....اونداکی گیزلین پانج اوینیینده ذوقونان منیم دالیمجان قاچیب ادیییی دییسن....اونداکی دالیمجان آغلیییب سنی قوجاغا آلمامی ایستیسن....اوزمانکی پنجره دالیننان قوقولاری سسلیسن و پیشانا گولومسیییب پیش پیش دیییسن و...... بوزما...

چوخداندی سنه اورگتمیشم بابا لالا الیینده سس المییسن ....دمیشم آیسل سیس بابا لالا الیییبدی....تازالیخدا یوخون گلنده بوجور اوزانیب و دیسن سیسسسس دونن گئجه یاتماغا مقاومت الیردون بودا قیافن تختیوین اوستوندیدون اول جیززاوی گئچیتدون ...سورا سننن ایستدیم نینیوی لالالالا ائله...یاتیرداننان سورا پتونان اوستون چحدون گوردوم هله یاتمیسان سننن ایستدیم توپی تختن منه آتاسان و اوینییاخ ...چون تختین گهواره ای دی ترپشیردی بیردن گوردوم دیییسن سیسسسس و نینی وی گورسدیسن کی لالا الیییب سورا مننن دوربینی ایستدین منده اورگتدیم هانسی دکمینن عکس سالالار ....سنده کی فورن اورگشیب توپوننان بو عکسی سالدین ...

بو گونلر بو سوزلری چوخ ایشلدیرم:آیسل دیمزلر....کابینتی آشما....قاپیسین باغلا....گئتمه ننه....جیزدی هاااا....او طرفه گئتمزلر....گلمه بالا دویی سوزورم....قیز به هااااارداسان و..... بولورم گرح منفی سوز ایشلتمیییم آمما اوز الیمده دییر مثلن ایستیرم خطرلی ایشلرین قاباغین آلام بو گونلر شولوخلوخلارین: آینا و شیشه میزلری سیلیرم بیراز سورا گورورم ایکی بالا ال لکه سی... آبمیوه شیشه سینین باشین ایستمیسن و بوجور اوستووه توکوسن بوجور میز اوسته چیخیب تلویزیونا باخیسان(البته بو ایشی بابان تشویق الیر) بوجور ملاق آشیسان غذانی سفره دن گوتوروب دولانا دولانا میل الیسن و بیر ردپا دوزلدیسن قیش فصلیدی پالتارلاری اوده سریر...

چوخداندی بیزیم نازلی قیزین توحلری اوزانیب و باباسی وقت الیینمیییب آپارا سلمانییه.....آیسل خانیم دا کی نه کش ساخلار نه گیره....گورن دیییردی آپارین باشین ویردیرین توحلری گوزلرین اذیت الیر....بویون دوستوما کی آرایشگردی خواهیش الدیم بیزه گلسین ....ددیم آیسلین باشین ویراخ باشلادین آغلاماغا .....قیچینی گوردون دا اصلن آغلاماغیوی کسمدین....هش اجازه ورمدین پیش بند باغلییاخ خلاصه اوزون سوزون قیسساسی بیراز باشیوی یونگوللتدوخ....من عمرن سنین قولاخلاریوی آپارام ... بودا باشیوی ویراننان سورا ....آیسل میتکییه دایان: قیزیمین پشت موسی قالیب ٧ اینجی دیشین لثه وین وسطینن چیخیر و سنی چوخ اینجیدیر   ...

نازلی قیزیم 15 آیلیق اولدی....نه ده شیرین قیز اولموسان...چوخ احساسلی مهربانسان....ادالاریوینان آدامی جذب الیسن....گوزلریوی یوموب گولوسن او حالدا ادی الیسن دیسن اد....بیر یردن دوشنده یا قوجاغا گلنده یا کوفا میننده دیسن اوپ همان هوپ....توپا دا اوپ دیسن...پیشانا پیش دیسن....غذا میل الیینده هامممم دیسن 6دانا دیشین وار...قولچاقلاریوینان اوینوسان....اولاری یاتیردیسان بیر سری حتی اوستونه پتو چحمیشدون....اولاری بوس الیسن.... بویون سحر آیسل حاضیر لشیب 15 آیلیق چکابینا گئده... یولدا الینن یاپیشدیم یرده گئتدون....چوخ سویونوردوم قیزیمینان یول گئدیرم....سنن اوشاق اولورام ...سنن بویورم....سن منه آنا اولماق لذتین گورسدیسن قیزیم بوردا ...

چیلله دن بیر گئجه قاباخ آیسل گئتمیشدی قارپیز آلماغا قارپیزی سرین سرین ییننن سورا ایکیمیزده بتر سویوخ دیدی...چیلله گئجه سی چوخ بیحالیدین دیشده چیخاردیسان لاپ بیحالسان....نئچه بئله چیلللر ساغلیغینان     ...

سحر یوخودان دورموشوخ .....ایستیرم صبحانه حاضیرلییم ....حامامین قاباغیندا آیسلی گورورم کی باشین یوغور..گولوب قییدیرم آشپزخانییه....دوباره گلیب گورورم وانین گتیریب حامامین قاباغینا ....صبحانه نی ولللیییب سنی حاماما آپاریرام بو ایشلریوینن سوزووی یتیریسن منه مامانی.....سنی چوخ سویورم   ...