ناز قیزیم

بویون 11 آیلیق قیزیم اولدون....بو آی ایکی دیشین واریدی...گچن آی کی آپ دمیشدین ایندیده آ بابابابا...جیز عوضی چیز...قوقو (قوش) کلمسین بوغازیندا غوغو دیییسن...گل عوضی اه...منه ده نه نه نه نه اوجووی یوموب آچیسان و گل گل سسلیسن....عینکی ایستیسن باشیوا ویراسان...موبایل الینده اولاندا دیینده آیسل الووو قولاغیوا آپاریسان....موزیکال اویناتمالیلاری سویوسن.....هردم دیزین اوستونده ایاغا دوروسان...قیشلاریمنان یاپیشیب ایاغا دوروسان سوروشاندا قوقی هانی؟؟پنجره نی گورسدیسن....آیسلین عکسی هانی؟؟ تلفونون باطری هانی؟؟ مامان هانی؟؟جیززا هانی؟؟گورسدیسن بتر قیدیغین گلیر سسلی گولماغا باشلیسان (آیسل قیدی قیدی) بای بای اورگشمیسن...بالا اوشاقلاری گورن...

هر سری عکاسین توکانین رد اولاندا بیر ناز قیزین عکسی منی جذب الیر ....چوخ سویملی گوی گوز قیز...بوسری آیسلینن گدیردیم بیردن گویلوم ایستدی قیزیمین عکسین سالدیرام....(مردادین آخیر گونی) آیسل اوشاقلار پارکیندا(شهریورین اولی)   ...

بیراز وختی کی بای بای اورگشمیسن...البته اوللر الیوی اوست اشاغی آپاریردون....بای یای دیینده چوخ چتین بای بای الیسن آخی ایستیسن لاپ یرینده بای بای الییسن....مثلن حاضیر لشمیشوخ ایستیروخ گداخ و حتمن ده چوچه قاپیسین رد المیشوخ سورا اودکیلره بای بای الیسن....بویونده اشیحده ددیم آیسل نینی یه بای بای اله ایکیزده بیر بیریزه بای بای الدوز.... اله وقت اولور بیرزادا بتر فیکیر وریسن دا آدیوی سسلیینده چونموسن...آیسل آیسل .... هردم بیراز ایمحلیسن آمما تز سینه خیز گدیسن   ...

قیزیم ایکی گئجه تب المیشدون من ددیم به دیشینن دی ...دونن گوزوون اوستونده قیرمیزی گوردوم کی بالا بالا اوزووی توتدی ....دکتره گتدوخ ددی سرخچه دی سوروشدوم قیزیلجا؟؟ددی خیر سرخچه ....بالاخره تورکوسون بولمدیم....دکترون نظرینه ایکی اوش گونه سپمه لر قوتولار....اوزون و بدنین قیرمیزی اولوب بیرازدا بیحالسان آمما الحمدالله کی تبین یخدی.... انشالله تزلیغینان توختاسان ....من شولوخ آیسلیمی ایستیرم بویون آخشامدا پس لرزه واریدی ...سن مامان گیلدیدون منده گلمیشدیم اوه باخام کی گوردوم شارلار ترپشیر ....بولمدیم نجور اوزومی سنه یتیردیم  و چیخدوخ اشییه....الله سنه توکل ...

بو گونلر ایکیمینجی دیشین بالا بالا گوروشور آمما سنی چوخ اینجیدیر ....دونن گئجه چوخ تبین واریدی و راحت یاتانمیردین .....بویونده بیراز بیحالسان و ایندی شیرین یوخودا بویون منده دیشیمی چحدیرمیشم نتیجه بوکی یا دیش چیخارداسان یا چحدیرسن اذیت اولاجاخسان سنین نوخوشلوغووی گورماخ منه چتیندی....ایستیرم قیزیمی همیشه بوجور شاد گورم آمما بو گونلرده اولمالیدی تلفونونان اویناماغی چوخ سویوسن ....دونن گئجه او بیحال حالدا اویناماغا مشغولیدین ...

نازلی قیزیم  بویون 10 آی قوتولدی ....اینانمیرام ایکی آی سورا بیر یاشیندا اولاجاخسان... بو آی اول دیشیوی چیخاتدین ....البیر ایکیمینجی دیشیوینده نشانه لری لثه ده گورسنیر....نچه سوز دییه بولوسن هله سوزلره معنی ورنمیرم آمما بوگون خالا نچه سری آب دییننن سورا آب ددین....تز تز سینه خیز گدیسن دیینده گلدیم گلدیم گوله گوله منن اوزاخلاشماخ ایستیسن پیلله لری بالا بالا چیخیسان ...اشاره بارماغیوینان هرزادی گورسدیسن....یاپیشیب ایاغا دورماق ایستیسن چپان چپان دماخ همین ال چالیسان...بالا بالا کمدلاری آشماخ ایستیسن....باباو عمووی گورنده دا منه گلمیسن ..... آیسل جیززالار هانی؟؟؟   ...

قیزیم بو گونلر غم غصه لیدی آخی سنین مامان جونون (بابانین آناسی) بو فانی دونیانی ترک الدی....هش کیم گتماغین اینانمیر.... سنی چوخ ایستردی قیزیم....سنه چوخلی آرزیلاری واریدی ....او کادولاری کی سنه بوراجان آلمیشدی گوزوم ساتاشاندا اورییمی غم باسیر ....سنی دیندیرملری یادیما دوشور ... دونیا وفاسیزدی کی وفاسیز.... بو دونیا فانی دیر فانی بودونیاداقالان هانی؟؟؟ داوود اوغلی سولیمانی تخت اوستونن سالان دونیا بابانین غمی چوخ آغیردی ....الله قالانلارا صبرورسین ...روحی شاد

نچه گونلردی کی چیینلریمنن یاپیشیب ایاغا دورماق ایستیسن....مبلون دستسینن صندلین پایاسیننان و تختیوین نردسینن کمک آلیب  ایاغا دورماغا چالیشیسان ....سنین بو تلاشین بالا هدفلریوه یتیشماغا منی جذب الیر ...اوتوروب سنه تاماشا الیرم اورییمده دییرم بالا قیزیم بالا بالا بوی آتیر ...سن یاپیشیب ایاغا دوروسان گوزل قیزیممممم بو لحظه لری گورماخ (اول گولوش ...اول چونماخ...اول سورونماخ ...اول چپان...اول تاتان...اول اوتوماخ....اول یاپیشیب ایاغا دورماخ)....منه دونیالاردی... نفسلریوینن یاشیرام....گولوشلریوینن سویونورم....باخیشلاریندا غرق اولورام و شلوخلوخلاریوینان سحری آخشام الیرم آیسل میز آلتیندا شولوخلوخ لاپ قیافدن بو...