ناز قیزیم

هردم کفین ساز اولاندا بیر بالا اشاره لازیمدی کی سنده شکلک چیخارداسان گولسن گولدورسن اوینییه سن و آداما بند اولاسان... بوجور وخلر دریالی گوزلرینده شادلیقدان دولوب موج ویریر...شیطنت قیافنده مشخصدی... دونن بابا سنن عکس سالیردی اصلن دوربینه توجه المیردون ...من بیراز دیندیرمیشم سنده بوجور ادا ورمیسن: بوردا جدی قیافن وار         ...

هردم اشیحده بیری سنی دانیشدیراندا اصلن دانیشماسان...بولمورم به یه ده بیری گرح سنه اوزون قشح تانیدا کی سنده راحت دانیشاسان...آمما اوده بیر نفر آختاریسان کی اوننان دانیشاسان... بویون همسایامیز حاجی خانیم اشادیدی ...منه ددون مامان سن آسانسورونان اممیزه گئت من بوردییم..بیراز اوستن قولاخ آسدیم فقط حاجی خانیمینان دانیشیردین...موضوع دا دامداکی پیشانلاریدی سورا کوثر حاجی خانیمین نوه سی گلیب بیزه سنن اویناسین خالا زح ویریب طبق معمول قاچیب تلفونی گوتوروسن...سلام نئجه سیز؟؟یاخچیسیز ؟؟خالا کوثر بیزده دانیش بیلسینن...سورا کوثری سسلیسن کوثر خالام زح ویریب گل دانیش...ائله ددون کی کوثر گلیب دانیشدی ائله تخیلی ماجرالار ذهنینده جورلوسن...مثلن مامانیم...

بو گون قیزلار گونیدی..بیزیمده بیدانا سویملی قیزیمیز وار ارئله سویملی کی هاممی سویوب دیندیریر...نئچه گون قاباخ اشیحده بیردانا خانیم دالیمیزجان گلیب  دیییر خانیم بشلیین من نقاشام قیزیزین چهره سینن عکس سالا بوللم؟؟گئتمیشوخ چورح چی خانییه شاطیر بالا بیر چورح سنه پیشیریب...سنی استخره آپارمیشدیم ناجیلارین بیری سنی چوخ سویموشدی گلنده سنه آبمیوه آلدی..سنده سویی چوخ سویموشدون مامان بیر گون بوردا قالاخ؟؟ همیشه گوزل یاشاماغیوی ایستیرم گوزل یاشلانماغیوی...هشواخ بو جذابیتین قوتولماسین... شیرین سوزلریوینن آدامی تولوسان مامان شامپو گوزلریمی آجیشدیردی..بوشامپو آجیدی آجی مامان یخچالداکی نوشابه لری اشییه بوشات بو گونلر اوزووی لوس الیسن ......

آخشام گئتمیشوخ امامزادیه....اوشاخلارین الینده بستنی گوروب منن ایستیسن سنه ده آلام...قیزیم آخی همیشه بستنی آلمازلار..بورانین بستنی لری قشح دییر...هاممیسین قوتارانماسان....سنده دیسن مامان حیاطدا هاممیسین قوتاراجاغام...قیفی بستنینی آلیب سکیده اوتوروسان و سلقه لی هاممیسین قوتاریسان...قهوه ای ستیوی گیمیسن...بیر زرشکی زرلی شال اوتموسن...گون باتا باتدادی...امامزاده نین معنوی فضاسی و سنین خانیم یانا بستنی یماغین هامینین توجهین جلب الیییب.... اویناماغین...عشوه لی دانیشماغین...گوزل باخیشین سنی فقط بیر اوشاق اولماخدان فرقیلندیریب....سن بویوح آدام اولماغی چوخ سویوسن...مثلن سن مامان اولاسان و من سنین قیزین...قیزیم اورا خیاباندی الیوی ور منه ....آفرین ...

بو آی قوتولدی و سن 2 آیدان سورا 3 یاشیندا اولاجاخسان...هر کیم گورور بیلوی جذبین اولور: بونه دولما قیزدی...بوقیزی اشییه چیخاتمییین بوقیزا گرح ویترین دالیننان باخاسان...اوزرییح سالین بیلسینه و... ایما اشاره و عشوینن دانیشماغین چوخ سویملیدی...اوجور دانیشماغیوینان ائله تولوسانکی بیلمی هردم واسواسیلیغین توتور....مامان اوستی باشیماداشلاندی....اه الین یاش یاش نیه منه ویردین؟...بوبیسی الیمده سو توت...مامان حامامدائوزوم پاحلاناجاغام مامان اوشاخ ائله یاتیری بولمورم نیه بوجور اولوبدی...مامان مسواک ویریرام ئوز خمیردندانیمینان...باخ گور آغاردی هردم سنن قاچان قاچان اوینورام قاچاقاچا غش غش گولوسن گوله گوله ییخیلیسان سورا بیراز قیدیخلیرام بیل...

این روزها بیشتر وقتت خاله بازی میکنی...عروسک محبوبت(کورپه ببه) رو ورمیداری شالمو سرت میکنی و کیفتو هم به دوشت میندازی و آماده دردر رفتن میشی... بو گونلر کورپه ببه نی گوتوروسن بیر بویوح شال اورتوسن و بوجور گئدیروخ ائشییه...یولدا هر کیم سنی گورور حتمن گولومسور یا دا دودان اورحدن گولور...آخی شالیدا چکیسن قولچاغیوین باشینا کی گون دوشمه سین...بوجورده دیندیریسن: ایوای ایندی باشیوا گون دوشر بوح تاخمادیم سنه....باخ قیزیم ماشین گلیر...سورا ههمان منی آپاریسان هاپیلی پارکا آمما ئوزون کوفا مینمیسن بو سری کورپه ببه نی کوفا میندیریسن....توانیوین آخیرینن ایته لیسن...سورا اللا کلنگه میندیریسن...اونا دا په په وریسن...بیر سریده خالاگیله آپارمیسان یئتیشن...

نئچه گون قاباخ افطار سفره سین حاضیرلیردیم سنه خرما وردیم سفرییه آپاراسان...بیرداناسین آشپزخانا میزینین اوستونه قویوب ددین مامان اذان وریلنده یییه سن مامان سنده میوه ییسن؟؟من اوروجام قیزیم ...مامان اوروجووی آش دا ایندی مشغولودون میوه یماغا بیر آز قابیندا ساخلیییب ددون مامان اذاننان سورا ایکیمیز یییاخ همسایانین قیزین ائله شیرین حیاطدان چاغیریسانکی او سسین قولاغیمدا همیشه لیق  قالیر فرشته فرشته (سن اوزونده فرشته سن قیزیم) سورا فرشته داداشلارینن تراسدان سنه بای بای الییینده دیسن مواظب اولون هااا دوشه سیز حیاطا...منیم بابام نرده ویردیریب دوشمییم پرده نی چکیردون دیرم مامان اوجور چحمزلر قیریلار یادیندا آقا نه زحمتینن پرده نی و...

آیسل قیزیم نازیم دوزوم ....نئچه وقت اولور کی وبلاگیوی یازمامیشام...قول وئریرم بوننان بئله سنن ایشلرینن چوخ یازام...33 آیدی کی منیم نازلی قیزیم وار...هش بولمدیم نئجه اوش یاشیوا یاخیننیسان ... بو گونلر اوج شلوخلوخلارین لجبازلیخلاریندی...بشله کی هر دم سنه ساواشیرام ...سنده منن ایستیسن بشلییم...مامان بشله بولمدیم...منی قوجان ائله...مامان بتر قوجان ائله سنه صبحانه وریرم دیسن مامان اللرین یورولمادی؟؟مامان او فرش آغیردی نه جور گوتوره جاخسان؟؟قوللارین آغریماز؟؟ هردم باشیوا دوشور مامان من مدرسیه گئدیرم منی مهده آپار مامان سنا گیل گلسین بیزه؟؟ بیر دست آبی بلوز شلوارین وار اولاری گیمیسن ....مامان اوندا اوغلانا اوخشورام آخی مامان عروس ...

ایندی کی یازیزام  سن یوخوداسان...بیر شیرین یوخودا ...بولوسن دونن  گئجه بو جملینن گوزلریوی یوموب یاتدین:مامان شاهگلیه گئداخ...سوزووی قوتار قوتارماز یوخلادین بو گونلر هردم  سویدوغون ایشین قاباغین آلاندا قهرله نیب آغلیسان...آمما ائله وقتلرده اولور کی بیر بویوح آدام کیمین رفتار الیسن.. بتر دردری اولموسان....مامان هاپیلی پارکا گئداخ...بابا شاهگلیه گئداخ....اورداندا لاله پارکا... مننن ایستیسن یولداشلارین اممیزه گلسین:مامان ملیسا گیل گلسین ...مامان زح ویراخ مریم گیل گلسین...مامان کوثر گلمدی؟؟؟بو چرخی کوثرینن اویناداروخ فقط غذا یماغین اوزونه گوره بیر ایشدی...یاکامپیوتر ده دانلود الدیغیم قیسسا کلیپلریننن یا حیاطدا توپ اوینا...