19 آیلیق بالام
اون دوققوز آی قوتولدی...هر آی یازیزام کی نینیسن ...ایستمیرم یادیما گلمسین هاواخ نینمیسن...ایستیرم سوزلرین ایشلرین اوشاقلیقلاریننان بالا بیر خاطره قالسین بالا بیر گولوش ...
بو آی هاردان باشلیییب یازیم؟؟؟هر گوزل منظره گورنده به به دماغین یا منی ناز الیییب شیرین دیلیوینن ناز دماغین؟؟یا شوقونان الیمنن قاچیب محکم اوزووی تخت اوسته چیپماغین؟؟یا هر کسی گورنده اوف الیوی گورستماغین؟؟یا باشیوا شاللاریمی اوتماغین؟؟باشماخلاریمی گیماغین؟یا کیفیوی خانیم یانا قولووا سالماغین؟؟شهر بازیلاردان قییتماخدا آغلاماغین؟؟یا پیشانلارا پارکدا په په ورماغین؟؟یا دال به دال مامان سسلیییب آختارماغین؟؟یا ناماز قیلاندا منی قوجاخلیییب غش غش گولماغین؟؟
دیزی دیزی یریسن...آی آی نای نای الماغیوی کی وصف الیینمرم نه شوقونان بیر الیوی اوسته ساخلیییب فیرلانیسان...هانسی جمعه گئداخ گوزلر سنین دالینجا باخیر...هاممینین اوریینده یرین وار...دیب بوجاخ یرلری تاپیب گیزلنماغی سویوسن ....ادی الیسن....عددلر ده اوش دییسن....تازا دیشلر چیخاردیسان ....حامامنان سنی چیخاتماخ اولمور...سو نان اویناماغی چوخ سویوسن...آیسل بابانان نجور ماشینا میندون اداسین چیخاردیسان...
حاضیر لشمیسن پارکا گئتماغا...دوربینی گوروب ایستیسن
کردینی سولوسان
هش بولوسن سنی نقدر سویورم؟؟هش بولوسن بو اون دوققوز آی منه بیر شیرین یوخودان دا شیریندی؟؟