20 آيليق بالام
٢٠ آيدي كي سننن ياشيرام ...گولورم ...آغليرام....اوينورام...
رفتارلاريننان مشخصدي كي بير پارا ايشلرده ايستيسن بويوح آداملار كيمين سننن رفتار الييم...مثلن غذا موردينده اورگشميشم سنه چوخ باخمييم هي دميييم آيسل ايندي هاممم الييجاق...منه گورسديسن كي قاشيقي اوزون اليوه آلماق ايستيسن....ايشمليني منه تاي ليواندا ايشماخ ايستيسن (حتمن منده گرح سننن آبميوه ايچم)....پالتارلاريويدا تلاشداسان اوزون گييسن...باشماخلاري و لباسلاريوي اوزون چيخارديسان
تلفوندا هركيمينن دانيشسام سنده گوشيني ايستيسن....بولار گورسدير كي ايستيسن مستقل بير بويوح آدام اولاسان
چوخ مهربان سان آيسل....هر نمنه ميل السن هامميه تعارف اليسن ....منده كي هميشه گرح سن يديغيننان ميل اليييم حتي مولتي ويتامين....سننن سوروشورام مني سويوسن؟؟قوللاريوي بوينوما حلقه ويريسان...منده سني چوخ سويورم قيزيم
اول جمله وي دونن آقا بابا گيلين تراسيندا سرچه اوچاندا ددين....قوقو گئتدي....اينانميرام آيسل سن ديل آچيسان نه تز بويودون ماماني....چوخ شيرين ديلين وار ...
نقاشي چحماغي چوخ سويوسن...سونان اويناماغا عاشقسن....اونا گوره حامامي دا سويوسن