ناز قیزیم
گوزل قیزیم ناز قیزیم
منه نازلان آز قیزیم
گوره جک گوزوم سنی
دونیام اولور یاز قیزیم
شیرین شیرین دللرین
تارا قارا تللرین
گوروم گلن گونلرین
السون سرافراز قیزیم
گوزل قیزیم ناز قیزیم
گوزل اوزون گولنده
کدر اولار شرمنده
سنده منی گورنده
گیچمه مندن واز قیزیم
گوزل قیزیم ناز قیزیم
اومودوم سن آرزیم سن
بهاریم سن یازیم سن
سن چوخوم سن آزیم سن
ای دستی دلباز قیزیم
گوزل قیزیم ناز قیزیم
عومرومون ماحصلی
سن سن ایلین گوزلی
کوسمه من اوللام دلی
کوسه سن گر آز قیزیم
گوزل قیزیم ناز قیزیم
دونیاما دولوب گولوم
سن آچار کن گول گولوم
یاشا منیم سون گولوم
منه سیویم یاز گولوم
گوزل قیزیم ناز قیزیم
(برگرفته از وبلاگ دکتر طریقی)
بو شعر اوخینده بو یازیلاریم یادیما گلیر
کمان قاشلی آلا گوزوم
اللرین الیمده قالسین
گول عکاس عکسینی سالسین
گولوشون یادگار قالسین
4 یاشیندا قالا قیزیم
باخیشلارین الهام آلمیش دنیزلردن سونا قیزیم
سنه باخیب روحوم اوچار اولدوزلارا آیا قیزیم
دایان بیرده سنه باخیم
توحلریوه گوللر تاخیم
گوللر ایین سنن آلیم
خوششش عطیرلی بالا قیزیم
سوزلرینی یازیب پوزوم
سنسن منیم دادیم دوزوم
دونیا قدر خاطیرین وار
خاطیرینده قالا قیزیم
بیر گچ بیر تخته سیاه....بیر چتر بیر یولداش...گولماخ سویونماخ